CANTOS E XOGOS DE GARGANTA

No 1º ciclo viaxamos moi lonxe, moi lonxe..., e chegamos ao Polo Norte. Alí viven os INUIT, que teñen un canto moi característico e moi diferente ao que nós estamos acostumados a escoitar. Coñécese como xogos ou cantos de garganta, e o certo é que é espectacular o control que amosan do aparato fonador para que soen desa maneira.
Mirade e ESCOITADE:

DHOOM TAANA

Aquí tedes un dos temas que eliximos en 4º, para incluír no noso traballo sobre a música hindú. Trátase dunha canción que pertence á banda sonora da película Om Shamti Om. 

As escenas musicais son unha das características máis representativas da industria cinematográfica coñecida popularmente como "Bollywood" (palabra resultante da mestura entre Bombay -a cidade máis poboada da India- e Hollywood -o centro da industria do cine americano-).

A música é moi pegadiza e invita a bailar!!!

http://sparkshell.com/uploads-v2/hindi-mix/various/everybody-on-dance-floor-groove-6-cd3/Dhoom%20Tana%20-%20www.sparkshell.com.mp3

ANI KUNI

Os nenos e nenas de Infantil aprenderon esta coñecida canción dos indios do Canadá. Con ela, as tribos acompañaban a DANZA DO LUME. 

A letra di:

ANI KUNI UA UA NI

WA WA WA NIKANA SAENA

UA UA NI PIT SI NI.

A través desas palabras están dicindo que nas noites de lúa ilumínanse a selva, os prados... E os vellos lobos da tribo cantan ao espírito do lume.

Aquí vos deixamos dous enlaces para que a ensaiedes moito:

http://www.adelafuente.es/aulademusica/2011/11/22/cantamos-y-bailamos-ani-kuni-para-kantaconmigo/

DAMOS A BENVIDA AO OUTONO

Para todos aqueles e aquelas que aínda non coñecen esta peza do compositor italiano Antonio VIVALDI, aquí vos deixo un video do 3º movemento:

Music and English!

A ver canto sodes capaces de entender... Espero que o profe de Inglés nos bote unha man!!!

http://melodystreet.com/INDEX/live/

A VOAR

Ver Aventura nun mapa máis grande

Aquí vai outra experiencia: elaboración de pareados para a Biblioteca!

Pareados

Publish at Calaméo or browse others.

Aprender a REFORESTAR

Aquí queda resumido o noso traballo sobre a importancia da reforestación.

Un paxariño moi interesante

As aves emiten o seu canto, entre outras cousas, para atopar parella. Un dos cantos máis espectaculares tal vez sexa o desta ave australiana chamada AVE LIRA. Coñecédela? Escoitade a cantidade de cousas que é capaz de facer este curioso paxariño!!!

O silencio...

"O son máis forte é o silencio", dicía LAO TSE. A sociedade na que vivimos actualmente está contaminada -tamén acústicamente-, así que é moi importante deterse un momento a pensar sobre isto e... ESCOITAR!

Poesía, Música e Natureza

A inspiración tróuxoa a tristura desta fin de semana...

Maestro

Maestro, de Géza M. Tóth, é unha curtametraxe húngara realizada no ano 2005. Trátase dun vídeo ben bonito e orixinal tamén moi relacionado coa campaña dos bosques que estamos desenvolvendo durante este curso desde a Biblioteca do cole. Pero non quero dar  máis pistas... Disfrutádeo!!!

Pedro e o lobo

En 1º andamos a escoitar e traballar esta obra de Sergéi PROKÓFIEV. E para non olvidar qué instrumentos representan aos diferentes personaxes, podedes entrar neste xogo creado pola Orkestra Euskadiko.

E se queredes ver os debuxos animados de Walt Disney, aquí tedes o vídeo:

Día Mundial da Árbore

Con motivo da celebración do Día Mundial da Árbore, o pasado mércores viaxamos ata Eirón (no concello de Mazaricos) para plantar castiñeiros, e así de guapos saíron no xornal ao día seguinte as nenas e nenos de 2º coa súa mestra.

Ao día seguinte, na clase de Música vimos un vídeo sobre a REFORESTACIÓN, elaborado polos alumnos do Máster de Produción e Xestión Audiovisual, que chegou a nós a través de Voz Natura. 

Para ser mestra hoxe...

Imaxe de Leandro Lamas.

Ingredientes:

-Vocación.

-Ilusión.

-Comprensión e amor.

-Paciencia.

-Improvisación.

-Humildade.

Preparación:

Remexer ao gusto de cada quen, so probando unha e outra vez conseguiremos ir mellorando a nosa receita. Ademais, como mestres non podemos deixar de aprender, así que ese camiño de aprendizaxe común entre meniños, mestres, comunidade educativa, etc. (o COMPARTIR), é o verdadeiramente importante!

http://www.lacittadeibambini.org/spagnolo/interna.htm
http://educacion-orcasur.blogspot.com.es/

Como mestra de música, engadir un fragmento de Murray Schafer extraído da súa obra El rinoceronte en el aula (1975), onde recolle 10 puntos moi interesantes a ter en conta aínda hoxe en día: 

A carraca

O termo "carraca" pode referirse a:

1- Instrumento musical de percusión do grupo dos IDIÓFONOS de son indeterminado. Consiste nunha roda dentada de madeira que ao xirar fai vibrar unha lámina fixa de madeira flexible.

Instrumento musical

Chamada tamén MATRACA ou CARRACO, nalgúns campanarios de catedrais e igrexas substituían ás campás. A súa misión era facer calar á multitude. Agora, moitas atópanse en mal estado, pero outras aínda se poden escoitar durante a Semana Santa. Así ocorre en Santiago de Compostela, onde se reconstruíu a carraca da Catedral no ano 2010. Desde entón, a enorme carraca (os seus brazos miden 2 metros) soa o venres e o sábado santos.

Carraca da Catedral de Santiago

Queres escoitala? Pincha no seguinte enlace:

http://www.youtube.com/watch?v=iFw1gFbKj_M

2- Ave europea migratoria que pasa o inverno en África. Aínda que non é moi común en Galicia, pode verse en ocasións ao final do verán. Soe aniñar nas árbores ou entre penedos, en zonas de clima cálido. Aliméntase de insectos, aínda que tamén pode comer lagartos e rás. De tamaño mediano, destaca a súa plumaxe azul e o seu canto, semellante ao do instrumento musical. A ti que che parece?

O metal e as súas cores

Mañán, 8 de marzo, imos de concerto a Santiago de Compostela!!! O programa será interpretado por instrumentos de vento-metal: trompeta, trombón de varas, trompa e tuba. Estarán acompañados tamén pola batería e polo acordeón. Nas últimas clases de música escoitamos, bailamos e acompañamos obras relacionadas con este grupo de instrumentos. 

Celebraremos, pois, o Día Internacional da Muller Traballadora con música!!! 

Escóitaos!!!