MÚSICA CONFINADA 4

Bos días e boa semana!!!! Mentras rematamos de montar o vídeo coa experiencia da semana pasada, preséntovos aquí o cuarto capítulo de "Música Confinada". Para despedir o mes de maio invítovos a aprender unha danza cunha canción moi bonita: "Peto, peto", interpretada e arranxada por Xabier Sesto Camino, Xosé Lois Seixo Fernández e Xaquín Facal García. Podedes escoitala en Radio Picariña e tamén en "Radio Rosiña", onde ademais podedes descargala:

Unha vez a teñades ben aprendida, invítovos a engadirlle estes pasos moi sinxelos, para que vos animedes todas as nenas e nenos do cole e todas as persoas que queirades convidar. Os pasos do vídeo son unha proposta, pero tamén podedes inventar outros vós!!!! Aquí vai:

Cando o teñades, enviade un vídeo e faremos unha montaxe coas vosas achegas!!!

Aperta enorme, danzantes!!!

DÍA MUNDIAL DA DANZA

Premede aquí para bailar con Pesdelán.

Bailamos un pouquiño?

Hoxe celébrase o "Día Mundial da Danza", e no cole sempre preparamos algunha para facer festa, pero nesta ocasión non pode ser debido á situación de confinamento na que nos atopamos. Sen embargo, non por iso non imos deixar de bailar e de adicar tempo á música, verdade? Por este motivo, quería convidarvos á proposta que nos fan desde o "Salón do Libro de Pontevedra". Tamén alí se viron afectados polo coronavirus, tendo que cancelar moitas das súas actividades. Outras, en cambio, mudaron de formato. A de hoxe está dentro deste segundo grupo, así que se queredes participar nela adiante!!! Trátase dun concerto do grupo de música PESDELÁN, e premendo sobre a imaxe podedes acceder á canle do "Salón do Libro". E a bailar todo o mundo!!!!

O CREBANOCES: ORQUESTRA E MONICREQUES

O vindeiro venres imos de excursión a Santiago de Compostela, para asistir ao primeiro concerto didáctico deste curso: "O Crebanoces", do compositor ruso Piotr Ílich CHAIKOVSKI (1840-1893).

Chaikovski compuxo esta obra por encargo dun teatro de San Petersburgo, quen lle solicitou escribir un ballet máxico, adaptado do conto de E.T.A. Hoffmann "O crebanoces e o rei dos ratos". Aínda que ao principio non lle atraía moito a idea de semellante composición, finalmente entregouna concluída en abril de 1892, arredor dun ano despois de que lle fora encargada. Antes de rematala, xa que o ballet ten unha duración bastante longa, extraeu oito números do mesmo para facer unha suite orquestral, que estrenou el mesmo.

Esta obra, a pesar do tempo transcurrido e das cambiantes modas, segue seducindo irresistiblemente a calquera audiencia. E seguro que a todas as persoas que viaxemos este venres ao Auditorio de Galicia tamén!!!

Representación no Teatro Mariinski en 1892

DANZA DA FADA DO AZUCRE:

DANZA DOS MIRLITÓNS:

DANZA RUSA:

DANZA CHINA:

VALS DAS FLORES:

Nesta obra, ademais, non podemos esquecer a presencia dunha sonoridade moi fermosa creada por un instrumento que ata ese momento pasaba practicamente desapercibido na Orquestra Sinfónica: a celesta. 

Trátase dun instrumento de percusión cunha apariencia similar á do piano vertical, e que cando Chaikovski o emprega acababa de ser creado en París. O seu mecanismo é similar ao do piano, pero no piano cada vez que tocamos unha tecla activamos uns martelos que golpean unha corda, mentras que na celesta os martelos golpean láminas metálicas colocadas sobre os resoadores de madeira.

Celesta

Interior dunha celesta

 Pero nada mellor que escoitala para desfrutar do seu son:

BAILES DO MUNDO QUE SON PATRIMONIO DA HUMANIDADE

Atopamos este interesante artículo sobre bailes do mundo que son Patrimonio da Humanidade. A maioría sitúanse en América Latina, pero tamén aparece un moi característico de España, e quen sabe se nun futuro tamén algún galego se inclúe nesta lista. Cantos coñecedes? Cantos bailades?

 

DÍA INTERNACIONAL DA DANZA

O Día Internacional da Danza celébrase o 29 de abril, desde que foi establecido no ano 1982, conmemorando así o nacemento (en 1727) de Jean-Georges Noverre, considerado o creador do ballet moderno.

Cada ano, o Comité Internacional da Danza (ITI) encarga a unha personalidade coñecida do mundo da danza a redacción dunha mensaxe que sexa lida en todo o mundo, co obxectivo de unir todas as danzas neste día.

A mensaxe deste ano 2016 foi encargada ao coreógrafo neozelandés-samoano LEMI PONIFASIO. Se queredes podedes lela premendo no seu nome. 

Non esquezades que esta é unha forma de arte que debe ser tan apreciada e valorada coma as demais. Porque no listado popular das 7 artes, figuran a arquitectura, a escultura, a pintura, a música, a danza, a poesía/literatura e o cine. 

Ademais, no noso país temos bailarinas tan importantes coma as seguintes:

-TAMARA ROJO destaca na danza clásica:

-SARA BARAS no flamenco:

Pero tamén os homes teñen unha importante representación no ballet clásico. En España destacan VÍCTOR ULLATE e NACHO DUATO, entre outros:

E no flamenco, JOAQUÍN CORTÉS, ANTONIO CANALES ou RAFAEL AMARGO:

E tampouco debemos olvidar a "A BELA OTERO", unha bailarina galega considerada tamén a primeira actriz de cine de fama internacional. O seu arte inspirou a moitísimos artistas, incluíndo a escritores, como podedes ver no seguinte vídeo:

E unha recomendación máis: BAILADE, BAILADE, BAILADE!!! E un filme ben fermoso que nos ensina que todo esforzo ten a súa recompensa: "Billy Elliot". Se premedes aquí podedes ver o tráiler da película.

UNHA BAILARINA LEXENDARIA

Poucos días despois da celebración do Día Internacional da Danza (29 de abril), hoxe faleceu unha das bailarinas máis recoñecidas no mundo enteiro: MAYA PLISETSKAYA. Nacida en Moscú no ano 1925, a súa nai era actriz e o seu pai inxeneiro. Aos 9 anos entrou na escola de danza de Moscú, e no ano 1941 incorporouse ao Teatro Bolshói, onde pronto se convertiría nunha estrela. 

A lexendaria bailarina, que recibiu o premio Príncipe de Asturias das Artes no ano 2005, foi mundialmente famosa pola súa interpretación de "O lago dos cisnes", aínda que a primeira imaxe que o seu nome evoca é a da súa figura interpretando "O cisne" de CAMILE SAINT-SAËNS: