Pois xa está aquí o Samaín, e no cole andamos recordando algunhas das cancións que máis nos gustan para esta data: "Corrre, corre, cabaciña", "Que medo!", "A danza dos esqueletos", etc.
Este curso prepararemos "Zombie Jamboree", tema de Rockapella, un grupo musical americano que canta a cappella e que nos leva, este curso no que investigaremos sobre o turismo, a un cemiterio en Nova Iorque:
Pero tamén nos chegou a última canción de Uxía Lambona e a Banda Molona: "O Samaín".
O venres pasado celebramos no cole os Dereitos do Neno e os Dereitos Humanos, ademais de participar na Carreira "Save the Children", que este ano destina os cartos recadados a Malí. Foi por este motivo que eliximos dous temas ben fermosos deste país africano. O primeiro deles, unha nana titulada "Makun" na que a cantante é acompañada por un instrumento tradicional de África Occidental: a KORA. Este instrumento constrúese a partir dunha cabaza cortada pola metade, que se cobre con coiro. As 21 cordas, coma na guitarra española, están suxeitas ao mastro. O seu son lembra ao da arpa, aínda que dependendo da maneira que se toque tamén pode ser semellante ao da guitarra flamenca. O músico emprega o dedo polgar e o índice ou furabolos para pulsar as cordas. Ao intérprete de kora tradicional chámaselle "jali", que significa "historiador oral".
No seguinte vídeo podedes ver e escoitar a un coñecido intérprete de kora: Toumani Diabaté, que é de Malí.
E no seguinte, a canción "Makun". Aínda que está nun idioma moi diferente ao noso (bambara), seguro que entendes algunha palabra. Escoita con atención:
Para celebrar o día da patroa dos músicos, aquí vai unha fermosa peza do grupo Fetén Fetén: Bolero para una tarde de septiembre, que nós podemos renomear Bolero para unha tarde de novembro!
Este ano tamén queremos celebrar esta festa cantando!!! Para a ocasión, aprendemos a canción "A bruxa Maruxa", do disco María Fumaça. Elixímola tamén pensando en unir este personaxe co mundo cinematográfico, aínda que este será un proxecto a medio-longo prazo... Mentras, podemos escoitala e vela clicando na imaxe da bruxa, nunha composición realizada no CEIP Cruceiro.
Hoxe iniciamos o curso cunha canción moi especial!!! Titúlase "Sonreír" e a súa compositora e intérprete é MAGDALENA FLEITAS, unha música arxentina que nos comunica a través desta canción a importancia de sorrir, porque:
SONREÍR NO CUESTA NADA,
Y SONREÍR LO PUEDE TODO
Y VERÁS QUE LINDO ES
VIVIR DE ESTE MODO.
Esperamos que esta mensaxe siga presente durante os vindeiros meses, tanto no cole coma no resto dos ámbitos nos que nos relacionamos. E para cando estedes máis tristeiros/as, aquí vos queda o enlace (no debuxo inferior) para atopar de novo o sorriso.
